Nata e parë gjysmëfinale e Festivalit të Këngës në Eurovision u mbajt dhe 10 vende kaluan tutje, ndër to: Norvegjia, Shqipëria, Suedia, Islanda, Holanda, Polonia, San Marino, Estonia, Portugalia dhe Ukraina.

Ajo që u la jashtë garës ishte Kroacia që këtë vit përfaqësohej nga këngëtari nga Bosnja dhe Hercegovina, Marko Bosnjak, me këngën “Poison Cake”.

Kroacia nuk ka arritur të siguroj një vend për në finalen e madhe që mbahet më 17 maj (e shtunë).

Pas fitores së artistit jo-binar Nemo vitin e kaluar me këngën “The Code”, Zvicrës iu dha roli i organizatorit të Festivalit të Këngës Eurovision të këtij viti, dhe konkursi po mbahet në St. Jakobshalle.

Prezantuesit e ceremonisë janë Hazel Brugger dhe Sandra Studer, dhe këtë vit në konkurs marrin pjesë gjithsej 37 vende.

Australia, Mali i Zi, Irlanda, Letonia, Armenia, Austria, Greqia, Lituania, Malta, Gjeorgjia, Danimarka, Republika Çeke, Luksemburgu, Izraeli, Serbia dhe Finlanda do të garojnë për një vend në finalen e madhe të Festivalit të Këngës në Eurovision në natën e dytë gjysmëfinale të planifikuar për të enjten, më 15 maj.

Kur bëhet fjalë për vendet e “pesë vendeve të mëdha” që kualifikohen automatikisht për finalen e madhe, nata e parë gjysmëfinale paraqiti Italinë dhe Spanjën, ndërsa e dyta do të përfshijë Francën, Gjermaninë dhe Britaninë e Madhe.

Vendi pritës, Zvicra, e ka të garantuar gjithashtu një vend në finalen e madhe falë fitores së tyre vitin e kaluar. /Telegrafi/