Në botën moderne të takimeve, marrëdhëniet “gati, por jo plotësisht” – ose siç njihen ndryshe “almost relationships” apo “situationships” – janë bërë të zakonshme

Këto marrëdhënie krijojnë konfuzion emocional: jeni bashkë, por jo zyrtarisht.

Për ta mbajtur me këmbë në tokë dhe për të shmangur lidhjen e parakohshme emocionale, terapeutët rekomandojnë disa zakone të shëndetshme.

Ja gjashtë praktika që mund t’ju ndihmojnë:

1. Vendosni kufij të qartë që në fillim

Qartësia në fillim shmang keqkuptimet më vonë. Sqaroni se çfarë prisni dhe çfarë nuk pranoni. Kjo përfshin edhe ndarjen e vlerave, nevojave dhe qëllimeve. Kufijtë nuk janë për marrëdhënie afatgjata — janë të domosdoshëm edhe për ato të përkohshme.

2. Mësoni të thoni “jo”

Shumë njerëz ndihen fajtorë kur refuzojnë. Por të thuash “jo” është thelbësore për ruajtjen e integritetit personal. Mos i kaloni kufijtë tuaj për të kënaqur tjetrin — kjo vetëm do t’ju dëmtojë emocionalisht.

3. Menaxhoni pritshmëritë

Nëse marrëdhënia nuk ka përkushtim nga pala tjetër, silluni në përputhje me këtë realitet. Mos shfaqni sjellje që ngjajnë me një lidhje të thellë nëse nuk është ajo që kërkoni. Pritshmëritë e pashprehura krijojnë zhgënjim dhe konfuzion.

4. Përballuni me të vërtetën, pa iluzione

Nëse jeni në këtë marrëdhënie vetëm për zbavitje, mos u gënjeni se do bëhet diçka më shumë. Vetëm sepse jeni të afërt fizikisht, nuk do të thotë se jeni të lidhur emocionalisht. Pyeteni veten: “Po kërkoj diçka më shumë apo po mashtroj veten?”

5. Ruani respektin për veten

Mos lejoni që dikush i përkohshëm të minojë vetëvlerësimin tuaj. Asnjë kënaqësi momentale nuk ia vlen të humbisni respektin për veten. Nëse nuk ndiheni të vlerësuar, largohuni pa ndjenja faji, citon Anabel.

6. Shmangni sjelljet e një lidhjeje të vërtetë

Mos bëni plane për të ardhmen, mos blini dhurata të shtrenjta, mos fantazoni për një familje. Këto veprime ushqejnë ndjenjat dhe ngatërrojnë pritshmëritë. Nëse marrëdhënia është vetëm për kënaqësi, qëndroni në këtë linjë edhe në sjellje.

Në fund: Nëse e dini që jeni tipi që lidhet shpejt emocionalisht, mos hyni në marrëdhënie të rastësishme. Të “përballeni” me ndjenjat kur personi tjetër nuk është në të njëjtin nivel mund të jetë shumë më e dhimbshme se sa thjesht të mos përfshiheni fare. Njihni veten dhe zgjidhni me vetëdije.