Grupi i njohur pop i viteve 1990, Spice Girls, mund të ribashkohet së shpejti për të shënuar 30-vjetorin e grupit.

Sipas mediave britanike, anëtarët e grupit po planifikojnë fshehurazi një turne të madh botëror, megjithëse Victoria Beckham nuk ka ndërmend të marrë pjesë në projekt për momentin.

Katër anëtaret e mbetura – Geri Halliwell, Emma Bunton, Mel B dhe Mel C – thuhet se do të takohen javën e ardhshme në Miami për të finalizuar detajet e rikthimit të tyre në skenë. Geri do të udhëtojë për në Miami për të mbështetur bashkëshortin e saj, shefin e ekipit të F1, Christian Horner, në Grand Prix, dhe menaxheri i grupit Simon Fuller do të jetë gjithashtu i pranishëm.

Pas muajsh spekulimesh rreth një ribashkimi të mundshëm, interesi për një rikthim të Spice Girls është shtuar pasi Geri dhe menaxheri i grupit Simon Fuller thuhet se kanë kontaktuar. Edhe pse Geri më parë e kishte refuzuar idenë për shkak të angazhimeve të saj të shumta, duket se tani rrethanat kanë ndryshuar.

“Ka pasur thashetheme për muaj të tërë, por Geri ka qenë gjithmonë shumë e zënë me angazhime të tjera për të rënë dakord”, tha një burim për The Sun.

The Spice Girls are reportedly set to reunite to mark their 30th anniversary as they have been secretly planning an upcoming world tour. Geri Halliwell, Emma Bunton, Mel B and Mel C are said to be meeting next week in Miami to discuss the finer details. The Sun reports that Victoria Beckham, 51, however is ’90 per cent out of the running’, with the foursome pushing ahead with plans without her for now. Geri and band manager and guru Simon Fuller are reportedly in touch again which has moved things along after years of hints from various members that they would get back together. #spicegirls #reunion #girlband #victoriabeckham #melb #gerihorner #gerihalliwell #news ♬ original sound – Spice Girls

Megjithatë, Victoria Beckham mbetet në stol për momentin. Një burim pranë grupit zbuloi se Victoria është “mjaft e tërhequr”, por po merret në konsideratë një paraqitje e mundshme virtuale në formën e një avatari ose një performance të vetme, duke i bërë homazh ish-kolegëve të saj.

Kujtojmë që Spice Girls performuan së bashku për herë të fundit në vitin 2020, por edhe atëherë pa Victorian. Si një grup prej pesë vetash, ata u takuan për herë të fundit së bashku në ceremoninë e mbylljes së Lojërave Olimpike të Londrës në vitin 2012.

Biznesmeni i njohur britanik Richard Branson iu referua gjithashtu grupit, duke kujtuar se si Spice Girls duhej të performonin në promovimin e anijes së tij turistike Virgin Voyages pak para shpërthimit të pandemisë.

“Ata thanë se kishte diçka të quajtur koronavirus në anijet turistike dhe u këshilluan të mos vinin. Unë ende po pres performancën e tyre”, tha Branson.

Përveç turneut të planifikuar, një film biografik rreth grupit po përgatitet edhe për Netflix. Çdo anëtar duhej të fitonte një milion paund, por projekti u ndal përkohësisht pasi Geri thuhet se u largua për shkak të mosmarrëveshjeve me një anëtar tjetër. Megjithatë, një burim i tha The Sun se Netflix është ende duke planifikuar filmin dhe shpreson të përfshijë të pesë anëtarët.

Geri Halliwell shprehu shpresën e saj në një intervistë të kohëve të fundit që fansat do ta shihnin grupin përsëri së bashku.

“Diçka do të ndodhë. Do të bashkohemi si një. I dua, më interesojnë dhe duam më të mirën për njëri-tjetrin”, tha ajo.