Barcelona doli fitimtare në ‘El Clasicon’ e së shtunës në Sevilla, duke mposhtur rivalin Real Madridin pas kohës shtesë me një gol fantastik nga Jules Kounde.

Ani pse pjesa e dytë i takoi Real Madridit, Barcelona arriti që ta gjejë ritmin sërish pas golit të vonë të Ferran Torres dhe shkëlqyen në kohën shtesë.

Një pjesë të meritave të kësaj i takojnë Fermin Lopez, Gavi dhe Eric Garcia për shkak të energjisë që sollën në fushë, pasi Hansi Flick zëvendësoi të gjithë mesfushën e tij startuese.

Në veçanti Gavi ndihmoi që të stabilizojë gjërat për blaugranasit dhe provokimet e tij ishin të pranishme si çdo herë.