Eva Longoria shkëlqeu në ‘Platino Awards’ në Madrid të dielën, ku u nderua me Çmimin e Nderit për kontributin e saj në art dhe në promovimin e kulturës latine.

Aktorja 50-vjeçare u shfaq mahnitëse me një fustan të zi pa rripa, të zbukuruar me xhevahire, që theksonte elegancën dhe figurën e saj.

Eva ruajti thjeshtësinë në aksesorë, duke zgjedhur vetëm një palë vathë diamanti, dhe tërhoqi vëmendjen me paraqitjen e saj plot besim në tapetin e kuq të Palacio Municipal IFEMA, shkruan DailyMail.

Çmimi iu dorëzua nga mikja e saj e ngushtë, Sofia Vergara, e cila e përshëndeti për përkushtimin ndaj komunitetit latin dhe punën humanitare me fondacionin e saj.

Dy aktoret, që ndajnë një miqësi të gjatë dhe një angazhim të përbashkët për përfaqësimin e kulturës latine, janë gjithashtu anëtare të bordit këshillues të Muzeut Kombëtar të Latino Amerikanëve në Washington D.C.

Në një fjalim emocional, Eva falënderoi Spanjën për mikpritjen dhe ndarjen e lidhjeve të përbashkëta kulturore.

Ajo tregoi për origjinën e saj meksikano-amerikane dhe theksoi krenarinë që ndien për përfaqësimin e komunitetit hispanik në Hollywood.

“Ne jemi më punëtorë, më pasionantë, më njerëzorë”, tha ajo, duke theksuar nevojën për më shumë pozitivitet dhe njerëz të mirë në botë.

Longoria ia dedikoi çmimin bashkëshortit të saj Jose Baston dhe djalit të tyre Santiago, duke vlerësuar mbështetjen e tyre si burim të forcës së saj personale dhe profesionale.