Një treshe ekonomistësh u nderuan të hënën me çmimin Nobel për “studimet e tyre se si formohen institucionet dhe ndikojnë në prosperitet”.

Daron Acemoglu, Simon Johnson dhe James Robinson do të ndajnë çmimin, i cili mbart një shpërblim në të holla prej 11 milionë koronash suedeze (1 milion dollarë).

Laureatët e këtij viti në shkencat ekonomike na kanë ndihmuar të kuptojmë dallimet në prosperitet midis kombeve.

Daron Acemoglu, Simon Johnson dhe James Robinson kanë treguar rëndësinë e institucioneve shoqërore për prosperitetin e një vendi.

Shoqëritë me sundim të dobët të ligjit dhe institucionet që shfrytëzojnë popullsinë nuk gjenerojnë rritje apo ndryshim për mirë.

Hulumtimi i laureatëve na ndihmon të kuptojmë arsyen.

Çmimi, i njohur zyrtarisht si Çmimi Sveriges Riksbank në Shkencat Ekonomike në kujtim të Alfred Nobel-it, u krijua në vitin 1968 nga banka qendrore suedeze.

Ai plotëson çmimet vjetore për arritjet në fizikë, kimi, mjekësi, letërsi dhe paqe, të cilat u vendosën në testamentin e Alfred Nobel – shpikësi suedez i dinamitit që vdiq në 1896.

Vitin e kaluar, Claudia Goldin mori vlerësimin për kërkimin e saj mbi boshllëqet e pagave gjinore, dhe një vit më parë, ish-kryetari i Rezervës Federale Ben Bernanke ndau çmimin me Douglas Diamond dhe Philip Dybvig për kërkime mbi bankat dhe krizat financiare.

Laureatët e tjerë përfshijnë Friedrich Hayek për punën në teorinë e parasë dhe luhatjet ekonomike, William Nordhaus për integrimin e ndryshimeve klimatike në analizat afatgjata makroekonomike dhe Paul Krugman për analizën e tij të tregtisë botërore.