Më shumë se njëqind njerëz janë shënuar të zhdukur pas përmbysjes së një anijeje që mbante rreth 160 pasagjerë në Nigerinë veriperëndimore në lumin Niger, thanë autoritetet lokale.
“Anija mbante rreth 160 pasagjerë. Ajo u përmbys dhe u mbyt me të gjithë pasagjerët në bord,” i tha AFP një zyrtar nga departamenti Ngaski në shtetin nigerian të Kebi.
Ai tha se operacioni i shpëtimit ishte duke u zhvilluar, por që vetëm 22 të mbijetuar dhe një trup ishin gjetur deri më tani.
Pasagjerët – kryesisht gra dhe fëmijë – po udhëtonin nga shteti i Nigerit në shtetin Kebi të Mërkurën në mëngjes kur anija u përmbys.
Dëshmitarët okularë thonë se kishte më shumë se 160 njerëz në anije kur papritmas shpërtheu në mes të lumit.
Zhytësit e ujit dhe agjencitë e urgjencës po kërkonin pasagjerë, thanë autoritetet në Kebi.
Aksidentet me varka përgjatë lumit Niger janë të zakonshme, veçanërisht kur niveli i ujit rritet pas shirave të mëdha.
Disa aksidente i atribuohen gjithashtu mbipopullimit ose përplasjeve me trungjet e pemëve në lumë.
Shtatorin e kaluar, një aksident i ngjashëm vrau tetë vetë në zonë.
