Ndihmëssekretari i Shtetit amerikan për Europë dhe Euroazi, Jim O’Brien, ka takuar sot ministrin e Mbrojtjes së Kosovës, Ejup Maçedoncin.

Me një dedikim në platformën X, shoqëruar edhe me një fotografi, O’Brien rikonfirmon partneritetin e SHBA-së me Kosovën veçanërisht në aspektin e sigurisë, transmeton klankosova.tv.

”Ne e mbështesim Forcën e Sigurisë së Kosovës ndërsa ajo kalon në një forcë mbrojtëse territoriale multi-etnike, profesionale, të ndërveprueshme nga NATO-ja, që i nënshtrohet mbikëqyrjes civile. Jam i lumtur që takohem sot me ministrin e Mbrojtjes së Kosovës, Ejup Maqedoncin, dhe rikonfirmojmë partneritetin tonë me Kosovën”.