PSD-ja është duke protestuar para hotelit ku pritet të mbajë konferencë Kryetarja e Dhomave të Specializuara të Gjykatës Speciale, Ekaterina Trendafilova.

Ata janë duke e kundërshtuar vizitën e saj në Kosovë.

Partia Socialdemokrate para pak qastesh ka filluar protestën para hotelit ku po qëndron kryetarja e Dhomave të Specializuara me seli në Hagë, Ekaterina Trendafilova.

Aktivistë të shumë të kësaj partie kanë kundërshtuar vizitën e Trendafilovas në Kosovës.

“UÇK-ja nuk mund të gjykohet”, UÇK-ja është përpjekje për liri”, “Historia është shkruar, propaganda ka dështuar” janë vetëm nga disa pankartat që aktivistët e PSD-së po i mbajnë në duar.

Kjo protestë është përkrahur edhe nga OVL-UÇK-ja.

Në protestë po marrin pjesë kryetari i PSD-së, Dardan Molliqaj dhe ushtruesi i detyrës së kryetarit të OVL-UÇK-së, Faton Klinaku.

Forca të shumta policore janë parë brenda hotelit, ku pritet që të mbajë diskutim Kryetarja e Dhomave të Specializuara me seli në Hagë, Ekaterina Trendafilova.

Trendafilova kishte tentuar edhe dy herë të tjera të vije në Kosovës, por i kishte anuluar vizitat.

Fillimisht në qershor të vitit 2022 me arsyetimin e pjesëmarrëjes së madhe në një takim, ajo diskutimet i realizoi online. Kurse, në shtator takimin e anuloi për shkak të protestës së Partisë Socialdemokrate.