Ministri gjerman i Mbrojtjes Boris Pistorius mbërriti sot në Kiev në një vizitë të papritur për të përsëritur mbështetjen e Berlinit për Ukrainën në betejën e saj kundër ushtrisë ruse.
Gjermania po kërkon të qetësojë Kievin pasi shprehu shqetësimin për të ardhmen e mbështetjes nga aleatët e saj, të cilët janë mobilizuar që nga shpërthimi i luftës në Lindjen e Mesme.
“Unë jam këtu sërish, fillimisht për të premtuar mbështetje shtesë, por edhe për të shprehur solidaritetin dhe admirimin tonë për betejën e guximshme dhe të kushtueshme që po zhvillohet këtu,” tha Pistorius. duke vendosur lule në sheshin Maidan në Kiev.
Pistorius mbërriti me tren dhe do të zhvillojë bisedime me homologun e tij ukrainas, si dhe me presidentin Volodymyr Zelensky.
Vizita vjen pasi sulmet ajrore ruse u intensifikuan në Ukrainë dhe ndërsa Kievi përgatitet për një rritje të sulmeve ndaj objekteve energjetike të vendit gjatë dimrit.
Kjo është vizita e dytë e Pistorius në Kiev që kur mori detyrën në fillim të vitit dhe vjen një ditë pas një vizite të papritur në Ukrainë nga Sekretari i Mbrojtjes i SHBA, Lloyd Austin.