Sot pesëshja diplomatike e emisarëve takuan kryeministrin e Kosovës, Albin Kurti në zyrën e tij.

Pas takimit, në emër të pesëshes diplomatike, u deklarua ndërmjetësuesi i BE-së, Miroslav Lajçak, shkruan Demokracia.com

Lajçak tha se themelimi i Asociacionit është e vetmja rrugë e Kosovës për të ecur drejt BE-së.

“Si kryeministër i Kosovës, kryeministri Albin Kurti ka përgjegjësi për të bërë progres në normalizim të raporteve nëse Kosova dëshiron të bëjë progres drejt BE-së dhe këtu kemi theksuar nevojën për të lëvizur në themelimin e Asociacionit pa vonesë. Pa këtë s’do të ketë progres në rrugën evropiane të Kosovës”, tha Lajçak sot.

Lajcak: Kurti është përgjegjës për progres në normalizim, s’ka avancim drejt BE-së pa Asociacion

Pas takimit me emisarët diplomatik, Kurti në rrjetin social “X” doli me një deklarim, ku tregoi se e vlerëson planin e ri që ia sollën për vazhdimin e dialogut.

“Kam mirëpritur sot emisarët nga BE-ja, SHBA-ja, Gjermania, Franca e Italia. Pas sulmit terrorist të 24 shtatorit, me sponsorizimin dhe pjesëmarrjen e Serbisë – siguria e kufirit tonë ka përparësi. Në dialog nevojitet një qasje e re. Falënderoj dhe vlerësoj 5 emisarët për planin e tyre të ri për të ecur përpara”, tha Kurti.

Welcomed today emissaries from 🇪🇺🇺🇸🇩🇪🇫🇷🇮🇹. After the Sept. 24 terrorist attack—w/ sponsorship & participation of Serbia—the security of our border takes priority. In dialogue, a new approach is needed. I thank & appreciate the 5 emissaries for their new plan for moving forward. pic.twitter.com/j43HORSlt0

— Albin Kurti (@albinkurti) October 21, 2023

Kurti me 29 shtator të këtij viti e quajti Asociacionin  ide të Serbisë. Kurse tash po e vlerëson këtë ide të emisarëve.

Zëvendëskryeministrja e Kosovës, Donika Gërvalla pas sulmit të 24 shtatorit e quajti të vdekur Asociacionin, por duket se ende është i gjallë./Demokracia.com/

Osmani dhe Konjufca e pranuan Asociacionin| Kurti: Asociacioni është ide e Serbisë