Në një operacion të përbashkët, policia në Itali dhe Spanjë ka arrestuar 58 persona të dyshuar për trafikim ndërkombëtar droge, pastrim parash dhe mashtrim.

Rreth 400 oficerë duke përdorur qen nuhatës morën pjesë në operacionin e policisë, duke kryer gjithsej 96 kontrolle në Itali, Zvicër dhe Spanjë, shkruan Euronews.

Në Itali, arrestimet u kryen në Milano, Torino, Romë dhe Katania në Siçili.

Agjentët konfiskuan pasuri në vlerë prej 129 milionë eurosh.

Hetimi njëvjeçar ishte fokusuar në lëvizjen e dyshimtë të parave përmes shërbimeve bankare klandestine të drejtuara nga kinezët.

Vlerësohet se rrjeti furnizonte rreth 30 milionë tonë hashash dhe marihuanë.