Kompania Harley-Davidson njoftoi se do të hedhë në treg një motor elektrik, edhe pse ka luftuar për vite me imazhin e tij të modës së vjetër.

Marka plotësisht elektrike ”LiveWire” shënon një lëvizje për të udhëhequr dhe përcaktuar tregun për automjetet elektrike, theksoi shefi i Harley-Davidson, Jochen Zeitz në një njoftim për shtyp.

Emërtimi ”LiveWire” vjen nga motori i parë elektrik Harley-Davidson, i cili u zbulua në vitin 2019 në shfaqjen e teknologjisë CES në Las Vegas dhe ishte një partneritet me kompaninë japoneze të elektronikës Panasonic.

Kompania po kërkon të tërheqë blerës për motoçikletat elektrike dhe produkte më moderne.

Biznesi ka parë një përmirësim të dukshëm kohët e fundit ku vetëm në tremujorin e fundit, fitimi u rrit më shumë se 270% nga viti në vit, në 259 milionë dollarë.

Shitjet u rritën me 10% në 1,4 miliardë dollarë. /Demokracia.com/