Një person është gjendur pa shenja jete në Podujevë.

Sipas raportit të Policisë së Kosovës rasti ka ndodhur të hënën rreth orës 16:48, në Podujevë.

Tutje bëhet e ditur se me vendim të prokurorit trupi i pajetë është dërguar në IML për Obduksion.

Rasti është cilësuar se “hetim mbi vdekjen dhe mosdhënia e ndihmës së parë mjekësore”.

“Lidhur me rastin njësitë relevante dhe ekipi mjekësor kanë dalur në vendin e ngjarjes ku është konstatuar vdekja e viktimës mashkull kosovar. Me vendim të prokurorit, trupi i pajetë është dërguar në IML për Obduksion, derisa në konsultim me prokurorin kompetent janë iniciuar rastet e lartcekura”, thuhet në raport.