L’Equipe, gazeta sportive më e respektuar në botë, ka njoftuar se Neymar po largohet nga PSG pas gjashtë vitesh.

Me kalimin në PSG në atë kohë për 222 milionë euro, ai u bë futbollisti më i shtrenjtë në histori.

“Neymar ka rënë dakord për gjithçka me Al-Hilal në lidhje me kushtet e kontratës dyvjeçare. Ai do të marrë 160 milionë euro. Tani PSG dhe klubi saudit në Paris po negociojnë për kompensimin. Largimi i Neymar nga PSG është i sigurt”, shkruan mediumi i njohur.

Megjithatë, në gjashtë vjet në PSG, ai luajti vetëm 186 ndeshje. Ai humbi më shumë se 100 prej tyre për shkak të lëndimeve, duke mbetur me 105 golat dhe 76 asistimet e tij te PSG.

Performanca e tij gjatë qëndrimit të tij në Paris konsiderohet e pamjaftueshme për një lojtar të paguar më shumë se 1 milion euro bruto në javë nga PSG.

Al-Hilal ka ofruar lojtarë si Kalidou Koulibaly (Chelsea), Ruben Neves (Wolves), Sergej Milinković-Savic (Lazio) dhe Malcom (Zenit)./