Ekipi i RTV21, gazetarja Lirie Dibrani dhe kameramani, Berat Bahtiri është sulmuar nga protestuesit serbë derisa po raportonte nga pjesa veriore e Mitrovicës, konkretisht në sheshin Car Llazar.

Protestuesit serbë teksa e kanë sulmuar fizikisht kameramanin Berat Bahtirin, iu është marrë edhe paisja me të cilën ishin duke xhiruar.

Sulmet në veri të vendit janë bërë të shpeshta ditëve të fundit.

Sot gjatë raportimit në komunën e Leposaviqit, gazetarja e RTV Dukagjini, Vlora Selimi është penguar nga një protestuese serbe.

AGK-ja ka dënuar këto sulme teksa ka bërë thirrje që të bëhet mbrojtja e gazetarëve në atë pjesë nga Policia e Kosovës.