Presidentja e Kosovës, Vjosa Osmani, ka thënë se Kosova është burim stabiliteti në situata kur kërkohet të krijohet tension e konflikt.

Osmani në një konferencë për media së bashku me  administratoren e Agjencisë Amerikane për Zhvillim Ndërkombëtar (USAID), Samantha Power, tha se pavarësisht tendencave destabilizuese, Kosova do të vazhdojë përpara

“Republika e Kosovës është një dritë shprese dhe burim stabiliteti në një kohë kur orekset për destabilitet, për tension e konflikt janë gjithnjë në rritje në kontinentin tonë. Ne vazhdojmë përpjekjet tona për promovim të qeverisjes së mirë, efektive e gjithëpërfshirëse, dhe avancim të vazhdueshëm të demokracisë pavarësisht sfidave dhe tendencave destabilizuese nga autokratët dhe satelitët e tyre”, ka thënë ajo.