Një vrasje ka ndodhur mëngjesin e së shtunës në Pire të Greqisë. Një burrë dyshohet se ka qëlluar dhe vrarë partneren e tij dhe më pas është dorëzuar tek autoritetet, shkruajnë mediat greke.
Sipas informacioneve të deritanishme, një 25-vjeçar nga Shqipëria dyshohet se ka qëlluar me armë zjarri bashkëshorten e tij 19-vjeçare dhe menjëherë më pas ka shkuar në policinë e Pireut dhe është dorëzuar në Polici.
Policia ka shkuar me shpejtësi në shtëpinë e çiftit dhe ka gjetur gruan të vdekur të qëlluar me plumb në kokë.
