Qeveria gjermane ka lënë mënjanë një miliard euro shtesë nga buxheti i saj i vitit 2023 për të mbështetur Ukrainën.

Një dokument tregoi se disa para janë ndarë për mbrojtjen e Ukrainës kundër sulmeve kibernetike ruse dhe mbledhjen e provave të krimeve të luftës.

“Buxheti i Ukrainës e bën të qartë se mbështetja jonë shkon përtej dërgesave të rëndësishme dhe të nevojshme të armëve. Ne po investojmë masivisht në paqen në Evropë dhe Ukrainë”, tha Robin Wagener, ligjvënësi i Gjelbër që kryeson grupin parlamentar për Ukrainën.

Gjermania është donatori i tretë më i madh ushtarak në Ukrainë.