Një McLaren P1 i ri me vlerë mbi 1 milion dollar është përfshirë në rrugë nga ujërat e përmbytjeve, ndërsa uragani katastrofik Ian vazhdon ta godasë Floridën.

Stuhia përbindëshe ka shkatërruar shtetin në 24 orët e fundit, duke lënë një gjurmë shkatërrimi të plotë pas saj, raportoi Daily Mail të enjten.

Autoritetet në Florida kanë paralajmëruar se viktimat do të jenë “me qindra” pasi shumë njerëz mbeten të bllokuar në çatitë e shtëpive të tyre të përmbytura dhe 2.5 milionë vazhdojnë të jenë pa energji elektrike.

Një burrë nga Florida, i quajtur Ernie, i cili u prek nga stuhia ndau pamjet e humbjes së tij të rëndë, pasi McLaren P1 i tij i sapo blerë u përfshi në ujërat e përmbytjeve, u rrëmbye nga garazhi i tij dhe poshtë rrugës së rrethuar me rezidencë e cila tani i ngjan një lumi të furishëm.

I apasionuari i makinave duket se ka një flotë makinash luksoze – të cilat i tregon rregullisht në llogarinë e tij në Instagram.