Irani ka testuar gatishmërinë dhe efektshmërinë e dronëve, kanë raportuar mediat shtetërore.

Shtetet e Bashkuara janë të shqetësuar rreth mundësisë që Irani të furnizojë Rusinë për luftën e saj në Ukrainë, shkruan Sky News.

Manovrat dy ditore priten të përfshijnë 150 dronë dhe do të mbulojnë Gjirin e Iranit dhe shumicën e territorit të vendit, raportoi televizioni shtetëror.

Shtetet e Bashkuara këtë muaj kanë thënë se zyrtarët rusë po trajnohen në Iran si pjesë e një marrëveshje për transferimin e dronëve në mes të dy vendeve, përcjell Periskopi.

Washingtoni gjithashtu ka akuzuar Tehranin se po planifikon dërgimin e qindrave dronëve drejt Moskës për përdorim në Ukrainë.