Presidenti i Shqipërisë, Ilir Meta, ka takuar ish-Komandantin Super të Forcave të NATO-s, Wesley Clark.

Meta u shpreh mirënjohës për kontributin e Clark për intervenimin e forcave të NATO-s në Kosovë gjatë luftës së fundit, që sipas tij i dha fund gjenocidit etnik në vend e rajon.

“Gjithmonë mirënjohës për kontributin e tij, si Komandant Suprem i Forcave të NATO-s dhe Komandant i operacioneve të Forcave Aleate në Europë, që i dha fund gjenocidit etnik në Kosovë dhe në rajon. Të lumtur që shohim më shumë NATO në Europë dhe në Ballkan”, është shprehur Meta.

Gjatë vizitës së tij në Kosovë ai u takua me krerët e politikës kosovare.

Ai takoi edhe deputetin shqiptar në Parlamentin e Serbisë, Shaip Kamberin.