Presidentja Vjosa Osmani ka reaguar pasi Kosova fitoi dy medalje në Lojërat Mesdhetare “Oran 2022”.

Xhudistja Distria Krasniqi fitoi medaljen e artë në kategorinë deri në 52 kilogramë, ndërsa xhudistja tjetër kosovare Flaka Loxha i solli Kosovës medaljen e bronztë, në kategorinë deri në 57 kilogramë, shkruan Demokracia.com.

Presidentja Osmani nëpërmjet llogarisë së saj në Twitter ka shkruar se sukseset e dy xhudisteve janë frymëzim për vajzat dhe djemtë e rinj të vendit.

“Urime kampioneve tona Distria Krasniqi dhe Flaka Loxha që sollën sot dy medaljet në Lojërat Mesdhetare #Oran2022 . Këmbëngulja, talenti dhe motivimi juaj janë frymëzim për kaq shumë vajza dhe djem të rinj. Faleminderit që u rikonfirmuat si superfuqi e xhudos”, thuhet në postimin e Osmanit në rrjetin social./Demokracia.com/

Congrats to our champions Distria Krasniqi and Flaka Loxha for bringing home two??medals at the #Oran2022 Mediterranean Games today.

Your perseverance, talent and motivation are an inspiration to so many young girls and boys. Thank you for reconfirming ?? as a judo superpower! pic.twitter.com/cYeYszbmry

— Vjosa Osmani (@VjosaOsmaniPRKS) June 29, 2022