Osmani: Të punojmë për integrim të natyrshëm të personave me sindromen ‘Down’ në shoqërinë tonë

Lajme

Demokracia

16:09 | 21 Mars 2021

Ushruesja e detyrës së Presidentit, Vjosa Osmani ka vizituar shoqatën Down Syndrome Kosova sot në Ditën Ndërkombëtare e Sindromës Down.

Osmani, përmes një postimi në rrjetin social Facebook ka shkruar se Kosova të cilën e duam është Kosova në të cilën personat me Sindromën Down, siç shkruan ajo, ndihen të sigurt për të tashmen e tyre dhe janë entuziast për të ardhmen, përcjell Demokracia.com.

“Jemi shumë më shumë të njëjtë se sa të ndryshëm. Pas një viti sfidues, përtej thirrjeve për mbajtje të distancës ne nuk kemi lënë gurë pa lëvizur që të mbesim të afërt e përzemërt me njëri-tjetri. Në po këtë frymë, të punojmë së bashku për t‘u siguruar që të mos presim nga të tjerët të ndryshojnë e t’i përshtaten masës, por të ndryshojmë̈ ne në mënyrë̈ që ata që sot ndihen ndryshe e të përjashtuar, nesër të ndihen të dëgjuar e të integruar”, ka shkruar Osmani.

Postimi i plotë i Osmanit, pa ndërhyrje:

Vizituam sot shoqatën Down Syndrome Kosova për të bashkëbiseduar me udhëheqësit e shoqatës, prindërit, e për të parë nga afër shërbimet që ofrohen aty për fëmijët dhe për të dëgjuar kërkesat për mbështetje institucionale. Kosova të cilën e duam është Kosova në të cilën personat me Sindromën Down ndihen të sigurt për të tashmen e tyre dhe janë entuziast për të ardhmen. E për të arritur këtë qëllim, së pari duhet të punojmë në vetëdijësim në mënyrë që përfundimisht të ndodhë integrimi i natyrshëm i personave me Sindromen Down në shoqërinë tonë.

Jemi shumë më shumë të njëjtë se sa të ndryshëm. Pas një viti sfidues, përtej thirrjeve për mbajtje të distancës ne nuk kemi lënë gurë pa lëvizur që të mbesim të afërt e përzemërt me njëri tjetri. Në po këtë frymë, të punojmë së bashku për t‘u siguruar që të mos presim nga të tjerët të ndryshojnë e t’i përshtaten masës, por të ndryshojmë ne në mënyrë që ata që sot ndihen ndryshe e të përjashtuar, nesër të ndihen të dëgjuar e të integruar.

Për sytë plotë jetë e buzëqeshjet më të dëlira, do jem gjithmonë mikesha juaj e përbetuar.

Muzika: Kori i Fëmijëve ‘Okarina’.

Video: Arban Osmani/Demokracia.com/

Down Syndrome Kosova Vjosa Osmani