Lajme
Sokol Bashota i zhgënjen militantët e Kurtit, thotë se ai në Shtabin e UÇK-së ishte vetëm si përkthyes
Demokracia
22:15 | 09 Qershor 2022

Share:

Ish anëtari i Shtabit të Përgjithshëm të UÇK-së, Sokol Bashota ka reaguar pas publikimit të një videoja ku kryeministri aktual, Albin Kurti shihet në Shtabin e Dragobilit në vitin 1998.

“Kjo video e shfaqur në portale të ndryshme, më rikthej kujtesën e sa e sa takimeve me përfaqësues diplomatikë ndërkombëtare gjatë kohës së luftës”, shkruan Bashota, përcjellë Demokracia.

Publikimi i kësaj videoje u mor nga përkrahësit e Kurtit sikur ai atje ishte në cilësinë e anëtarit të Zyrës së UÇK-së që drejtohej nga Adem Demaçi. Megjithatë, Bashota e thotë të kundërtën. Ai thotë së Kurti në këtë vizitë ishte në cilësinë e përkthyesit bashkë me Florina Krasniqin.

“Në këtë takim ishim unë, baci Jakup dhe Ramë Buja, së bashku me ambasadorin amerikan Lari Rosin si dhe shefin e KDOM-it amerikan Shaun Byrnes si dhe përkthyesit Albin Kurti e Florina Krasniqi. Falë këtyre takimeve arritëm deri tek takimi historik i Rambouillet”, ka shkruar Bashota. /Demokracia.com/

Të ngjashme