Prishtina, Llapi, Dukagjini dhe Istogu janë katër skuadrat të cilat kanë mbetur në garë për ta fituar trofeun e Kupës së Kosovës për edicionin 2020/21.

Është hera e parë pas një kohë të gjatë që dy klube nga Superliga dhe dy nga Liga e Parë arrijnë në këtë fazë.

Shorti i gjysmëfinales pritet të hidhet të martën më 23 mars brenda hapsirave të stadiumit “Fadil Vokrri” me fillim nga ora 12:00.

Në gjysmëfinale zhvillohen dy ndeshje (vajtje-ardhje), dhe ato do të zhvillohen në muajin prill.

Shorti nuk është i dirigjuar dhe secila skuadër mund të ndeshet me secilën skuadër.