Hammarby, klubi ku aktivizohet Astrit Selmani është përfshirë në një krizë me virusin COVID-19, shkruan Demokracia.com.

Gjithsej 16 futbollistë dhe pesë anëtarë të stafit teknik të Hammarbyt janë infektuar me virusin korona, shkruan Demokracia.com.

Në mesin e futbollistëve të infektuar është edhe sulmuesi nga Kosova, Astrit Selmani.

Selmani nuk pritet t’i bashkohet Kosovës për ndeshjet e muajit mars për këtë arsye.

Lajmin e ka konfirmuar Federata e Futbollit të Kosovës në njoftimin për listën e të ftuarve nga Bernard Challandes për ndeshjet e muajit mars.

“I ftuar për këtë grumbullim ka qenë edhe sulmuesi i skuadrës Hammarby IF, Astrit Selmani, por për shkak se ka rezultuar pozitiv në Covid-19 nuk ka mundësi t’i bashkohet skuadrës”, thuhet në njoftimin e FFK-së.

Futbollistët zyrtarisht do të jenë të vetëizoluar për shtatë ditë.

Selmani ishte në planet e përzgjedhësit Bernard Challandes, por kjo situatë do t’ia pamundësojë debutimin këtë muaj. /Demokracia.com