Altin Merlaku është shpallur “Ylli i Javës” së 35-të në Superligën e Kosovës në futboll.

Kapiteni i Dukagjinit pati një tjetër paraqitje të shkëlqyeshme në këtë edicion, duke qenë më i merituari për fitoren kundër Llapit, me rezultat 3:2, përcjell Demokracia.com.

Merlaku realizoi “Hat-Trick” në këtë takim, duke ia siguruar tri pikë shumë të vlefshmenë skuadrës së Armend Dallkut në luftën për t’i ikur barazhit. Merlaku shënoi në minutat 25′, 52′ dhe 56′, derisa u shqua me lojë kreative gjatë tërë ndeshjes.

Kjo është hera e dytë në këtë edicion që Merlaku e fiton këtë çmim, pasi edhe në javën e 30-të ishte shpallur më i miri.

Një javë para përfundimit të kampionatit, Dukagjini ndodhet në pozitën e 5-të me 49 pikë, dy më shumë se Malisheva, e cila ndodhet në pozitën e tetë, që dërgon në barazh.

Çmimin “Ylli i Javës” për futbollistin e KF Dukagjini e dorëzoi Sibell Horosani, menaxhere e departamentit të bankingut privat në BKT./Demokracia.com/