Ambasada e SHBA-së në Kosovë ka njoftuar se gjatë gjithë ditës do të publikojnë detaje nga inaugurimi i presidentit të 46-të, Joe Biden.

Ambasada Amerikane përmes një njoftimi të publikuar në rrjetin social Facebook, ka thënë se inaugurimi i sotëm është festim i forcës institucionale, shkruan Demokracia.com

“Sot është Dita e Përurimit në Shtetet e Bashkuara. Për mbi 200 vjet, një tranzicion paqësor i pushtetit ka qenë shenja dalluese e demokracisë amerikane. Inaugurimi është një festim i asaj force institucionale. Gjatë gjithë ditës, ne do të nxjerrim në pah këtë proces të rëndësishëm, duke prezantuar udhëheqje të re dhe duke siguruar qasje të drejtpërdrejtë në festimin e sotëm.”, thuhet në njoftim.

Kujtojmë se Joe Biden gjatë ditës së sotme pritet të inaugurohet si presidenti i 46-të i Shteteve të Bashkuara të Amerikës (ShBA).

Ceremonia  e inaugurimit do të jetë ndryshe nga çdoherë tjetër sepse numri i spektatorëve do të jenë më i vogël për shkak të pandemisë, shkrujanë mediat e huaja.

Gjithashtu, mijëra ushtarë rezervë të Gardës Kombëtare janë vendosur para Ndërtesës së Kongresit Amerikan.

Donald Trump do të refuzojë pasardhësin e tij duke mos marrë pjesë në inagurimin e tij, diçka që nuk ka ndodhur për më shumë se 150 vjet në ShBA.

Me ardhjen e tij, Joe Biden, planifikon të nënshkruajë dhjetëra urdhra ekzekutivë për të përmbysur disa nga vendimet e Donald Trump mbi migracionin, ndryshimin e klimës si dhe për të shtuar përgjegjësinë e qeverisë ndaj krizës së koronavirusit.

Ndryshe, në ceremoninë e përurimit do të përformojnë nga Lady Gaga dhe Jennifer Lopez./Demokracia.com