Shoqata e Gazetarëve Sportiv të Kosovës ka reaguar ndaj kërcënimit të gazetarit Arlind Sadiku.

Gazetari dhe komentatori i sportit, Arlind Sadiku njoftoi gjatë ditës se mori një kërcënim nga gjyqtari i futbollit të Kosovës, Mervan Bejtullahu gjatë derbit Gjilani – Drita, shkruan Demokracia.com.

SHGSK-ja e ka dënuar aktin, ndërsa është shprehur se e ka marrë me shqetësim informacionin për kërcënimin e gazetarit Sadiku.

Reagimi i plotë:

SHGSK REAGON NDAJ KERCENIMIT TE GAZETARIT ARLIND SADIKU

Shoqata e Gazetarëve Sportivë të Kosovës, me shqetësim e ka marrë informacionin për kërcënimin e gazetarit të sportit Arlind Sadiku, nga ana e gjyqtarit të futbollit kosovar Mervan Bejtullahu.

Arlind Sadiku u kërcënua në ndeshjen derbi të Superligës së Kosovës në futboll, Gjilani – Drita e zhvilluar në Gjilan, derisa ishte në detyrë zyrtare.

Bordi i SHGSK-së, dënon aktet e tilla duke marrë parasysh se gazetarët janë ata të cilët stadiumet dhe objektet sportive janë pjesë e punës së tyre, e aspak objekt dhune apo kërcënimi.

Besojmë dhe shpresojmë fuqishëm që ky të jetë akti i fundit që gazetarët sportivë të pengohen në kryerjen e detyrës së tyre.

Me respekt,

Bordi i SHGSK-së./Demokracia.com/