Dy persona kanë pësuar lëndime në një aksident trafiku në rrugën Lipjan-Magurë konkretisht në fshatin Torinë, raporton Demokracia.com.

Lajmin për Demorkracia.com e ka konfirmuar zëdhënësi i Policisë së Kosovës për rajonin e Prishtinës, Agron Borovci.

Ai ka treguar në detaje për aksidentin e trafikut që ka ndodhur në fshatin Torinë.

“Rreth orës 19:30 është raportuar për aksidentin e ndodhur në rrugën Lipjan-Magure respektivisht në fshatin Torinë. Në aksident janë përfshirë tri automjete. Dy persona kanë pësuar lëndime trupore dhe të njëjtëve u është ofruar trajtimi i nevojshëm mjekësor, përderisa janë shkaktuar dhe dëme materiale”, ka thënë Borovci.

Borovci ka treguar se njësistet policore kanë dalë në vendin e ngjarjes dhe po merren me shkaqet e aksidentit.

“Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti”, ka thënë ai.

Aksident në Torinë të Lipjanit, policia dhe autoambulanca në vendngjarje