Legjenda braziliane, Adriano ende nuk është larguar nga Italia dhe po vazhdon të qëndrojë në qytetin e modës në Milano.
Adriano ishte i ftuari special i Interit në derbin kundër Milanit në kuadër të gjysmëfinales së dytë në Kupën e Italisë, takim ai i fituar 3:0 nga “zikaltrit”.
Pas pranisë së tij në “San Siro” me rastin e derbit të fituar të Kupës së Italisë dhe takimit me presidentin Zhang, Adriano vijon të “zhytet” në botën e Interit dhe sot u zhvillua vizita e shumë pritur në Pinetina, ku skuadra e Simone Inzaghit po stërvitej.
“Sa gola më ke shënuar? Hajde na vizito më shpesh”, kjo ishte batuta e Inzaghit, raportojnë mediat italiane, përcjell Demokracia.com.
Më pas ekipi dhe Inzaghi u përshëndet me “perandorin” para se ai të largohej./Demokracia.com/
View this post on Instagram
