SHBA do t’i kërkojë Asamblesë së Përgjithshme të Kombeve të Bashkuara të pezullojë Rusinë nga Këshilli i të Drejtave të Njeriut.

Kështu ka bërë të ditur ambasadorja e SHBA në Kombet e Bashkuara, Linda Thomas-Greenfield, transmeton Demokracia.com.

Një shumicë prej dy të tretash nga asambleja prej 193 anëtarësh në Nju Jork mund të pezullojë një shtet nga këshilli për kryerjen e vazhdueshme të shkeljeve të rënda dhe sistematike të të drejtave të njeriut gjatë anëtarësimit të tij, raporton Reuters.

“Pjesëmarrja e Rusisë në këshillin e të drejtave të njeriut është një shfaqje. Dhe është e gabuar, prandaj ne besojmë se është koha që asambleja e përgjithshme e OKB-së të votojë për të larguar Rusinë”, tha Thomas-Greenfield të hënën në Bukuresht.

“Mesazhi im për ato 140 vende që kanë qëndruar me guxim së bashku është: imazhet nga Bucha dhe shkatërrimi në të gjithë Ukrainën kërkojnë që tani t’i përputhim fjalët tona me veprimet”, tha ajo më tej./Demokracia.com/

.@USAmbUN in Romania responds to the horrific images out of Bucha: “In close coordination with Ukraine, European countries and other partners at the UN, we are going to seek Russia’s suspension from the UN Human Rights Council.” pic.twitter.com/KiIvij1sAt

— Bianna Golodryga (@biannagolodryga) April 4, 2022