Qarkullimi në pikëkalimet e përbashkëta kufitare ndërmjet Kosovës dhe Serbisë është duke vijuar pa vonesa dhe pa incidente.

Kështu ka bërë të ditur Shefi i EULEX-it, Lars-Gunnar Wigemark, përmes një postimi në Twittter.

Ai ka njoftuar se situatën po e monitoron njësia e specializuar policore e EULEX-it dhe rezerva e saj e përbërë nga pjesëtarë të Forcës së Xhandarmërisë Evropiane.

Sipas tij, situata po monitorohet në gjashtë pikëkalime kufitare.

“Njësia e Specializuar Policore e EULEX-it dhe Rezerva e saj e përbërë nga pjesëtarë të Forcës së Xhandarmerisë Evropiane janë duke e monitoruar situatën në të gjitha gjashtë Pikëkalimet të Përbashkëta Kufitare ndërmjet Kosovës dhe Serbisë që nga orët e para të mëngjesit të sotëm. Qarkullimi është duke vijuar pa ndonjë vonesë të konsiderueshme apo incidente”, ka thënë ai. /Demokracia.com/

@EULEXKosovo Formed Police ?‍♀️ Unit and its Reserve consisting of European Gendarmes Force ?‍♀️ members are monitoring the situation at all six Common Crossing Points between Kosovo ?? and Serbia ?? since early this morning. Traffic is flowing without any major delays or incidents. pic.twitter.com/0QzoKxF37M

— Lars-Gunnar Wigemark (@LarsGWigemark) April 3, 2022