Te eliminuar nga Champions League në fazën e 16-të. Jashtë Kupës së Francës. Te Paris Saint-Germain, i cili ka bërë “ura ari” për te pritur Lionel Messin në mbështetje të investimeve milionere, mbetet vetëm kampionati për të fituar.

Kampionati i dhjetë është një ngushëllim i vogël duke pasur parasysh se tashmë e ka në xhep për shkak të avantazhit aktual prej 13 pikësh ndaj të dytit në renditje (Nice).

Vetëm skuadra e Pochettino-s mund ta humbasë atë dhe kur ta ketë fituar, do të vlejë pak më shumë se një zbukurim peme te vitit te ri. Synimi i vërtetë ishte të afirmohej në Evropë, të ngrihej ajo Kupë me veshe te gjata qe ishte kthyer ne utopi (për shkak të goditjeve të marra në vitet e fundit) dhe më pas u bë një fiksim (sepse vetëm e përkëdhelen, ndërsa Bayerni e rrëmbeu ne finale).

Një hidherim i madh ndaj edhe zemërimi i presidentit Nasser Al-Khelaifi është vetëm preludi i diskutimeve që do të zhvillohen në fund të sezonit. Tani për tani duhet mbyllur gjithcka duke kufizuar dëmet, duke mbajtur mënjanë pakënaqësinë e tifozëve që do të shfaqet në Parc de Princes (me rastin e ndeshjes së radhës) PSG rifilloi stërvitjet dy ditë pas nokautit në Bernabeu: ishin 48 orët më të këqija në historinë e klubit të karakterizuar nga polemikat për gabimin e rëndë të bërë nga Donnarumma, nga sherri i portierit me Neymar (i mohuar më vonë nga braziliani), nga tërbimi i furishëm i presidentit qe iu tur gjyqtarit holandez, Makkelie, dhe ndihmësve të tij.

Gjithçka ndodhi dhe për të ndalur reaksionin zinxhir, duke shmangur edhe përfshirjen e mbështetësve, kompania ka ngritur një shërbim mbresëlënës sigurie.

Rojet private rrethuan qendrën sportive me detyrën për të zbutur çdo shenjë proteste dhe për të parandaluar kontaktin mes ultrasve më të tërbuar dhe lojtarëve. Por ky është aspekti më pak i rëndësishëm i historisë, pasi vullkani po zien dhe llava e tij eshte gati te dale…

Gazetari investigativ Romain Molina, i cili përmes kanalit të tij në Youtube, ngriti velinë në anën e errët të pushtetit në krye të shoqërisë, ka treguar se si është situata brenda PSG-së. Një zonë gri pas së cilës shtohen tensionet, marrëdhëniet konfliktuale dhe mosbesimi, telashet gjyqësore që sjellin figurat më të rëndësishme të PSG-së, duke filluar nga numri një, Nasser Al-Khelaifi e deri te lojtarët, në veçanti Neymar.

Presidenti (i cili është gjithashtu numri një i beIN Sports) dyshohet shumë dhe akuzohet se ka blerë një vilë 5 milionë dollarësh në Sardenjë nga një ish-drejtor i FIFA-s, Jerome Valcke. Pse do ta bënte? Sipas materialit të mbledhur nga Gjykata Zvicerane, në bazë të një gjesti të tillë ka qenë dëshira për të ushtruar presion për të fituar të drejtat televizive për Kupat e Botës 2026 dhe 2030 në Lindjen e Mesme dhe Afrikën e Veriut (krim i dyshuar korrupsioni për të cilin rrezikon mbi 2 vjet burg).

Nuk është e vetmja situatë që shkakton dhimbje koke: po zhvillohen hetime edhe për caktimin e Kampionatit Botëror të Atletikës 2019.

Siç u zbulua, drejtori aktual sportiv, Leonardo, mund te jrte gjithashtu i sakrifikuar ne fund te sezonit. Vetë Al-Khelaifi do ta largonte atë nga marrëdhënia e drejtpërdrejtë dhe ekskluzive me emirin e Katarit. Ish-lojtari i Milanit akuzohet se ka marrëdhënie aspak të lumtura me trajnerët Pochettino, Tuchel dhe Carlo Ancelotti; menaxhimi i dyshimtë i kontakteve me agjentet, duke gjykuar nga disa rinovime kontratash në avantazhin e disa lojtarëve; një ndjenjë e palindur as me sektorin e të rinjve dhe as me përzgjedhjen femërore…

Sa i përket Neymar, blerja (ka kushtuar 222 milionë euro) dhe një pagë e artë konsiderohen një marrëveshje e keqe në dritën e performancës së lojtarëve. I frenuar edhe nga problemet fizike dhe dëmtimet që i kanë dobësuar ecurinë e tij, ish-i Santos dhe Barça duket si hija e kampionit që duhet të tërhiqte zvarrë PSG-në, duke dhënë gola dhe spektakël. Më keq akoma do të ishte mënyra se si ai jeton jashtë fushës.