Me ndeshjen e sotme Feronikeli – Drita është mbyllur java e 23-të në elitën e futbollit kosovar.

Në stadiumin “Rexhep Rexhepi”, Drita ka mundur Feronikelin me rezultat minimal, 0:1 për t’i dhënë fund javës së 23-të, shkruan Demokracia.com.

Por, java e 24-t në Superligën e Kosovës pritet të jetë më interesante se asnjëherë.

Në këtë xhiro do të zhvillohet derbi më i madh në vend, ai mes Dritës dhe Gjilanit.

Ndonëse të dyja skuadrat kanë objektiva të kundërta këtë edicion, rivaliteti në derbi gjithnjë di të jetë i madh.

Po ashtu, në këtë xhiro, Trepça ’89 e sfidon Feronikelin në Mitrovicë, Llapi luan ndaj Drenicës, Arbëria me Ballkanin dhe Prishtina është nikoqire e Besës.

Pesë ndeshjet në fjalë do të zhvillohen në mesjavën e ardhshme. /Demokracia.com