Presidenti i Ukrainës, Volodymyr Zelensky, ka zhvilluar këtë të shtunë një bisedë me senatorë amerikanë, derisa Kongresi është duke u matur për të shtuar ndihmat në mënyrë që Kievi t’i rezistojë pushtimit rus.

Ai ka kërkuar mbështetje me armatim në mënyrë që të zmbrapset Vladimir Putin, ka thënë një burim për Fox News, transmeton Klan Kosova.

Po ashtu Zelensky ka kërkuar vendosje të embargos ndaj derivateve ruse nga SHBA-ja.

“Nëse i keni vendosur sanksionet muaj më parë ndaj Rusisë, atëherë nuk do të duhet të kishte luftë”, iu ka drejtuar Zelensky, senatorëve ndër të tjera.