Gjermania ka marrë vendim që të vazhdohet izolimi, mirëpo vetëm ka lejuar hapjen e disa lokaleve nga 8 marsi.

Që nga 8 marsi, në Gjermani do të lejohet hapje e disa dyqaneve mirëpo masat e tjera shtrënguese kundër përhapjes së koronavirusit do të vazhdojnë, raporton Demorkacia.com.

Pas këtij vendimi të qeverisë gjermane, ambasada e Kosovës në Gjermani, ka publikuar një njoftim të rëndësishëm për qytetarët.

“Nga 8 marsi do të lejohet hapja e dyqaneve në zonat që kanë një kuotë të ulët infeksionesh, nën 50 për 100.000 banorë në intervalin kohor prej shtatë ditësh”, thuhet në njoftim.

Po ashtu në njoftim thuhet se Gjermania vendosi që duke nisur nga 8 marsi çdo qytetari do t’i ofrohet një test i shpejtë për COVID-19, falas, përcjell Demokracia.com.

Në njoftimin e Ambasadës thuhet se nëse shifrat e infeksioneve do të jenë në rënie, është vendosur edhe hapja graduale e aktiviteteve të tjera.

LEXO EDHE:

Gjermania zgjat izolimin, por lehtëson disa masa tjera

Postimi i plotë i Ambasadës:

NJOFTIM I RËNDËSISHËM

Pas takimit të Kancelares Angela Merkel dhe Kryeministrave të Landeve lidhur me ecurinë e mëtejshme të masave kufizuese prej pandemisë së koronavirusit është arritur marrëveshja që lockdown aktualisht në fuqi deri më 7 mars do të zbutet gradualisht.

Nga 8 marsi do të lejohet hapja e dyqaneve në zonat që kanë një kuotë të ulët infeksionesh, nën 50 për 100.000 banorë në intervalin kohor prej shtatë ditësh. Në rast se incidenca është mbi 50 do të aplikohet sistemi i blerjeve “klick and meet”, klienti mund të rezervojë një orar të caktuar me dyqanin përkatës për blerjen. Me një incidencë me më shumë se 100 infeksione përgjatë tri ditëve në zonën e prekur do të mbyllen sërish dyqanet dhe aktivitetet e tjera. Sa i përket sektorit të gastronomisë, kancelarja Merkel në konferencën e shtypit tha, se në rast se incidenca nën 50 është e qëndrueshme në harkun kohor të 14 ditëve, atëherë mund të hapen lokalet që ofrojnë shërbime në mjedise të hapura.

Nëse shifrat e infeksioneve do të jenë në rënie është vendosur edhe hapja graduale e aktiviteteve të tjera. Me incidencë nën 100 raste të reja për 100.000 banorë me respektimin rigoroz të rregullave të higjenës mund të hapen edhe muzetë, kopshtet zoologjike e botanike si dhe vendet përkujtimore. Ndërsa me incidencën nën 50 aksesi do të jetë më i lehtë në të gjitha aktivitetet e kohës së lirë.

Lidhur me ecurinë e çalë të vaksinimit synohet që duke nisur nga fillimi i prilit në këtë proces të involvohen më shumë se deri tani mjekët ekspertë dhe mjekët e familjes. Aktualisht vaksinimi zhvillohet vetëm në qendrat e krijuara enkas.

Eshtë vendosur gjithashtu që duke nisur nga 8 marsi çdo qytetari do t’i ofrohet një test i shpejtë ndaj koronavirusit falas, vuri në dukje kancelarja pas konsultimeve me kryeministrat e landeve. Qendrat lokale të testimit do të venë në dispozicion infrastrukturën e nevojshme.

Federata dhe landet ranë dakord për të ashtuquajturën „frena e emergjencës” në rast se incidenca shtatë ditore arrin në 100. Në një rast të tillë duhet të sprapsen vendimet për hapjen./Demokracia/