Një prodhues armësh në Ilinois të Shteteve të Bashkura të Amerikës ka prezantuar një armë të modelit AR 15 për fëmijë, që e ka quajtur JR – 15. E nxjerrë në treg arma shoqërohet me frazën: Funksionon pikërisht si arma e mamit dhe e babit, shkruan Daily Mail

Arma në fjalë është 20%  më e vogël se ajo normalja dhe peshon më pak se një kilogram, por prodhuesi i saj, premton se arma ka të njëjtën fuqi vdekjeprurëse të versionit të saj me madhësi normale. Për të mos harruar se kjo armë i kushtohet fëmijëve, ajo është dekoruar me një kafkë dhe një biberon në versionin për vajzat dhe djemtë.

Sips prodhuesve arma i lejon të rriturit që të mësojnë fëmijët si të qëllojnë. Karikatorët kanë 5 deri në 10 fishekë, dhe kushton 389 dollarë, përcjell abcnews.al.

Mbështetësit e kontrollit të armëve kanë reaguar të tmerruar për idenë e një arme për fëmijë, sidomos në një moment që dhuna nëpër shkolla është shumë e pranishme. Modeli i kësaj arme për të rriturit është përdorur për 11 vrasje masive në Shtetet e Bashkura të Amerikës që nga 2012.

Vetëm mes gushtit dhe dhjetorit të 2021 janë regjistruar 136 episode me të shtëna me armë zjarri në kampuse shkollore në vend.