Një market është grabitur nga dy persona në qendër të Prishtinës.

Rreth orës 18:00 ka ndodhur një grabitje në një market në rrugën “Bill Clinton” në Prishtinë.

Këtë e ka konfirmuar për Demokracia.com, Flora Ahmeti, zëdhënëse e Policisë së Kosovës për rajonin e Prishtinës.

Ajo ka thënë se grabitja ka ndodhur nga dy persona të cilët më pas kanë ikur nga vendi i ngjarjes.

“Pas marrjes së informacionit policia ka dalë në vendngjarje dhe bazuar në të dhënat e para  janë ngritur dyshimet se  vjedhja është kryer nga dy të dyshuar të cilët më pas kanë ikur nga vendi i ngjarjes”, tha Ahmeti për Demokracia.com.

Ajo po ashtu ka bërë të ditur se policia tashmë ka nisur hetimet për zbardhjen e këtij rasti dhe identifikimin e të dyshuarve.

“Aktualisht policia ka iniciuar një hetim  lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, theksoi Ahmeti.

Ende nuk dihet vlera e parave që kanë grabitur hajnat. /Demokracia.com/