Policia e ka dhënë detaje lidhur me arrestimin e Dardan Molliqajt dhe 12 zyrtarëve të tjerë të PSD-së.

Arrestimi i tyre është bërë në objektin e Zyrës së Rregullatorit të Energjisë.

Ndërkaq sipas policisë, rreth orës 15:00, në rrugën “Bekim Fehmiu” në Prishtinë, saktësisht në objektin e ZRRE-së, me urdhër të prokurorit të shtetit, janë arrestuar 13 persona.

“Duke parë që kanë dështuar të gjitha përpjekjet tjera, në përputhje me autorizimet policore dhe urdhrin e prokurorit të shtetit, janë arrestuar 13 nga ta dhe  aktualisht po vijon ndërmarrja e veprimeve në këtë fazë preliminare hetimore”, thuhet në njoftim.

Pas përfundimit të procedurave të nevojshme policore, konform rekomandimit  të prokurorit të shtetit për cilësimin e veprës për të cilën dyshohen,  personat e arrestuar do të procedohen më tej.