Deputetja e Kuvendit të Kosovës, Fjolla Ujkani ka reaguar pas disa videove të publikuara nga një profesor i gjimnazit në Vushtrri.
Ujkani përmes një postimi në Facebook i ka bërë thirrje drejtorit të gjimnazit dhe Drejtorisë së Arsimit në Vushtrri që të marrin masa ndaj profesorit në fjalë.
Ajo tha se nj profesor i tillë nuk mund të arsimoj dhe edukoj kategorinë më të çmueshme të shoqërisë, rininë tonë.
Postimi i plotë:
“Nëse do të mbjellësh për një vit, mbill misër e grurë. Nëse kërkon të mbjellësh përgjithmonë, mbill arsim e kulturë.” Naim Frashëri
Të dashur qytetarë të Vushtrrisë, në veçanti juve nxënës të Gjimnazit “Eqrem Çabej”- Vushtrri, dhe juve prindër.
Ditëve të fundit njëri nga profesorët e Gjimnazit “Eqrem Çabej” është duke publikuar video të tij, të cilat janë veprime të pahijshme dhe degjeneruese.
Andaj, i bëj thirrje drejtorit të Gjimnazit dhe drejtorisë së Arsimit në Vushtrri, që të marrin masa ndaj profesorit në fjalë. Sepse veprimet tij përmes videove lënë të kuptojnë, që një profesor i tillë nuk mund të arsimoj dhe edukoj kategorinë më të çmueshme të shoqërisë, rininë tonë.
