Ndërsa miliona vaksinohen, Apple po bën një ndryshim të modelit në emoji-n e shiringës, duke ndërruar një imazh me pika gjaku në fund të gjilpërës së emoji-t me një që duket më shumë si një vaksinë.

Emoji i ridizanjuar është i disponueshëm vetëm për anëtarët e programit beta të kompanisë por do të jetë i disponueshëm publikisht në iOS 14.5. Ndërsa emoji-të e reja janë më të vështira për tu aprovuar, ndryshimi i modelit të një emoji-je mund të sjellë një rezultat të ngjashëm në një kronologji më të shpejtë, sipas Keith Broni, zëvendës oficer i emoji në Emojipedia, një shërbim që arkivon trendet e dizajnit dhe përdorimit të emojis.

Emoji i shiringës daton në vitin 1999 dhe ishte përdorur kryesisht për të ilustruar dhurimet e gjakut në Japoni. Emoji përdorej shpesh në diskutimet rreth dhurimeve të gjakut dhe madje edhe tatuazheve, tha Broni.

“Kur i siguroni dikujt një mjet komunikimi, ai do ta përdorë atë siç u duket e përshtatshme”, u shpreh Broni. “Ne kemi parë shumë emoji të ndryshëm që marrin konotacione të ndryshme.”

Broni tha se ai kishte filluar të vinte re një rritje të përdorimit të emoji-t në fund të vitit të kaluar dhe pa që bisedat që njerëzit po bënin në Twitter ndërsa e përdornin ishin të drejtuara për të folur për vaksinat e koronavirusit.

Ai tha se priste që ndryshimi nga Apple të ishte i përhershëm dhe se ndërmarrjet e tjera të teknologjisë ka të ngjarë të ndjekin shembullin.

Ai tha që emoji që i ngjan një injeksioni vaksine mund të përdoret më lehtë dhe se heqja e gjakut do ta bënte emoji më fleksibël dhe më pak të frikshëm. /Demokracia.com/