Derbi më i madh i futbollit kosovar ndërmjet Gjilanit dhe Dritës do të zhvillohet këtë mesjavë.

Dy rivalët e përbetuar lokal do të përballen në kuadër të javës së 15-të kampionale në Superligën e Kosovës në futboll, shkruan Demokracia.com.

SC Gjilani, klubi organizator i derbit numër dy në këtë edicion ka njoftuar se numri i tifozëve pjesëmarrës për këtë takim do të jetë i limituar në 30 për qind të kapacitetit të tribunave, ashtu siç raportoi orë më parë Demokracia.com.

LEXO EDHE: Derbi i madh Gjilani – Drita në prag, kaq bileta pritet të jenë në dispozicion për tifozët

Tribunat e hapura për tifoz në këtë përballje do të jenë prapa portave (Sektori Perendim – Lindje) dhe do të jenë të monitoruara nga forcat e rendit, Policia e Kosovës dhe sigurimi privat.

“Kuqebardhët” në komunikatë kanë bërë të ditur se dyertë e tribunave do të happen nga ora 11:30, ndërsa kanë bërë thirrje të shmangin rrëmujën para hyrjes.

NJOFTIMI I PLOTË:

KOMUNIKATË ZYRTARE

Sport Club “Gjilani” njofton se ndeshjen e xhiros së XV-të në BKT Superligën e Kosovës ndaj kundërshtarit FC Drita e zhvillon në stadiumin e qytetit “Agim Ramadani – Katana” në Gjilan.

Për shkak të masave anti-Covid të vendosura nga Qeveria e Republikës së Kosovës dhe punimeve në stadiumin e qytetit, numri i tifozëve dhe pjesmërrësve për këtë takim do të jetë i limituar në 30% të kapacitetit të tribunave të cilat janë në dispozicion.

Tribunat e hapura për tifoz në këtë përballje do të jenë prapa portave (Sektori Perendim – Lindje) dhe do të jenë të monitoruara nga forcat e rendit, Policia e Kosovës dhe sigurimi privat.

Dyert e tribunave do të hapen nga ora 11:30 dhe lusim tifozët që të vijnë sa më herët në stadium në mënyrë që të shmangin rrëmujën para hyrjes.

Personat të cilët identifikohen për shkeljen e rregullave anti-Covid dhe mos zbatim të urdhërave nga forcat e rendit do të penalizohen me largim nga stadiumi.

Për masat të cilat duhet rrespektuar në ditën e ndeshjes (24/11/2021), klubi do ju informoj me kohë përmes njoftimit në faqet zyrtare të klubit në rrjetet sociale “Facebook”, “Instagram” dhe “Tëitter”.

Duke kërkuar mirëkuptimin tuaj lusim që të kontriboni në mbarëvajtjen e kësaj ndeshje duke ju përmbajtur të gjitha masave të parapara.

Zyra për informim

22/11/2021. /Demokracia.com