Lewis Hamilton me Mercedes siguroi “pole position” sot pasdite në pistën e Losail, ku ditën e diel do të zhvillohet gara e Çmimit të Madh të Katarit në Formula 1. Për pilotin britanik ky ishte “pole” nr.102 në karrierën e tij, duke ndalur kronometrin në 1’20”827, kohë rekord për këtë pistë, ku debuton sporti i Formula 1.

Hamilton do ta ndajë vijën e parë të nisjes me rivalin e tij kryesor ëpr titull, pilotin holandez të Red Bull, Max Verstappen. Ndërsa i treti u kualifikua sot makina tjetër Mercedes, ajo e Valtteri Bottas.

Në këtë pistë pati shumë surpriza gjatë provave zyrtare, si dalja jashtë “top-10” e Sergio Perez (Red Bull) e Charles Leclerc (Ferrari). Intersant fakti se provat e sotme zyrtare u mbyllën me një flamur të verdhë pikërisht në pjesën e fundit të pistës, për shkak të një incidenti që kishte makina Pierre Gasly.

Kjo pengoi pilotët të bënin një xhiro të shpejtë, përfshi edhe Verstappen. Gjithsesi, gara e së dielës (starti, ora 15:00) pritet të jetë mjaft interesante.