Kombëtarja e Kosovës në futboll më 14 nëntor do të udhëtojë në Athinë për t’u përballur me Greqinë.
Kjo sfidë është në kuadër të kualifikimeve për Kupën e Botës “Katar 2022”, shkruan Demokracia.com.
Për këtë takim kanë dalur në shitje biletat për tifozët kosovarë, ndërsa Federata e Futbollit të Kosovës përmes një njoftimi ka treguar se ku mund t’i blejnë biletat të interesuarit.
Shtëpia e futbollit të Kosovës gjithashtu ka bërë me dije se për hyrje në stadium janë të vlefshme: Certifikata e Vaksinimit ose dëshmia që personi që posedon biletën e ka kaluar COVID-19. Me teste PCR nuk lejohet hyrja në stadium.
Më poshtë është linku ku mund të rezervoni biletën për ndeshjen Greqi – Kosovë. /Demokracia.com
