Gjiganti kroat i futbollit, Dinamo Zagreb sonte e zhvillon ndeshjen e dytë në fazës “Play-Off” të kualifikimeve për Ligën e Kampionëve.

Kroatët sfidohen nga skuadra moldave  Sheriff Tiraspolit në “Maksimir” në Zagreb, shkruan Demokracia.com.

Skuadra ku bën pjesë edhe futbollisti i Kombëtares së Kosovës, Lirim Kastrati i duhet mrekullia për t’u kualifikuar në fazën e grupeve të ligës më prestigjioze të futbollit evropian.

Moldavët fituan 3-0 ndeshjen e parë, andaj kroatët duhet të shënojnë plot tri herë për ta dërguar ndeshjen të paktën në vazhdime.

Lirim Kastrati është në dispozicion të trajnerit i cili pritet të marrë vendim nëse do ta ketë në formacion nga minuta e parë.

Takimi fillon nga ora 21:00. /Demokracia.com