Tifogrupi prishtinas “Plisat” kanë reaguar ashpër kundër kandidatëve për kryetar të Komunës së Prishtinës.
“Bardhekaltrit” përmes faqes zyrtare në Facebook kanë reaguar duke u kërkuar politikanëve që ia kanë mësyer garës për të parin e kryeqytetit, shkruan Demokracia.com.
Ata kanë kërkuar që emri i tyre të mos përzihet në fushatën e tyre para zgjedhjeve lokale.
Demokracia.com raportoi mbrëmë se kandidati nga radhët e Lidhjes Demokratike të Kosovës, Përparim Rama ishte prezent në stadium me fanellë të klubit kryeqytetas.
Me gjasë kjo ka qenë arsyeja e reagimit të tifogrupit të Prishtinës. /Demokracia.com
