Edhe gjatë së martës në Kosovë parashihet të ketë mot me diell e pasdite parashihen reshje shiu.

Temperaturat minimale parashihet të lëvizin ndërmjet -3 deri 5 gradë Celsius, ndërsa maksimalet e ditës parashihet të lëvizin ndërmjet 2-14 gradë Celsius.

Instituti Hidrometeorologjik i Kosovës njofton se sipas matjeve hidrologjike deri më datën 12 shkurt pritet rritje e ndjeshme e niveleve të ujit, ndërsa do të ketë përmbytje të lumenjëve në zonat më të ulëta, përcjell Demokracia.com 

Njoftimi i plotë i IHMK-së: 

Sipas llogaritjeve të IHMK, nga data 8 deri 12 Shkurt 2021, si pasojë e reshjeve të shiut dhe shkrirjes së borës në viset malore të pellgut Drini Bardhë të cilat në disa zona do të jen me intenzitet më të lartë, pritet rritje e ndjeshme e niveleve dhe prurjeve të ujit si dhe mundësi e vershimeve të shpejta dhe përmbytje lumore në zonat më të ulëta. 

Sasia dhe intentziteti më i lartë i reshjeve pritet të jetë në Rrafshin e Dukagjinit dhe në pellgun e Ibrit. 

Në lumenjtë e tjerë të vendit, pritet ngritje e lehtë e prurjeve./Demokracia