Ja çfarë duhet të bësh para se të flesh çdo natë në verë.

Janë me dhjetëra këshillat që jepen në rastet e netëve të nxehta (spërkatja e pizhameve, e çarçafëve, ajrosja e dhomës, freskia etj.), por dy janë arsyet kryesore që e rrisin temperaturën e trupin gjatë natës: dehidratimi dhe tretja e ushqimit. Ja çfarë duhet të bësh para se të flesh çdo natë në verë.

Pi ujë të ftohtë

Për të ndihmuar freskinë e trupit, është shumë e rëndësishme të mos e lësh metabolizmin të dehidratohet, ndaj pi shumë ujë në ditët e nxehta. Po ashtu, mund të mbash një shishe me ujë të ftohtë pranë shtratit në mënyrë që të gjatë natës të pish sa herë ke nevojë. Në këtë mënyrë ulet edhe nxehtësia e trupit dhe gjumin do ta bësh më të qetë.

Ha ushqime të lehta në darkë

Pasi ke ngrënë ushqime të rënda gjatë ditës, metabolizmi është mësuar të punojë dhe këtë gjë do të kërkojë të bëjë edhe gjatë natës. Por kjo mund të shkaktojë rritjen e temperaturës së trupit, meqenëse ushqimi është ende në proces tretjeje. Provo të hash ushqime më të lehta gjatë darkës, në mënyrë që trupi të tretë më pak dhe kur të flesh, të ndiesh më e freskët. Fruta dhe perime të gjalla kërkojnë më pak energji metabolike për të tretur se sa proteina dhe yndyra, kështu që këto janë zgjedhje e mirë për mbrëmje.

Ulni temperaturën e trupit tuaj

Bërja e një dushi të ftohtë para gjumit mund të ndihmojë në uljen e temperaturës bazë të trupit tuaj dhe në stimulimin e gjumit, thotë Rodriguez. Ju gjithashtu mund të vendosni mbi lëkurë një peshqir të lagur ose një leckë të ftohtë(ndërsa jeni në shtrat ose pak para se të flini).

Flini vetëm

Nëse ndani shtratin me partnerin tuaj, ajo nxehtësi shtesë mund të dëmtojë cilësinë e gjumit tuaj. Merrni parasysh të flini veçmas në netët më të nxehta, thotë Hale. “Kjo mund të ketë përfitime të tjera, nëse partneri juaj gërhet”, thotë ajo. /Demokracia.com/